L'amant rendu cordelier a l'observance d'amour
Damp prieur
Qui perce les os jusque aux anches
Il n'y a rime ne raison
Quant on a telles fievres blanches
Damp prieur
La fievre cy grant ne puet estre
Que cy d'aventure la belle
Cy vient de nuyt a la fenestre
Voit le povre gallant qui veille
Et qui a la puce en l'oreille
Qu'il ne soit sur piés guery
D'un brin de girofle vermeille
Celle luy jecte tant soit marry
L'amant
Je croy bien que le mal apaise
Ung petit quant le bien luy vient
Mais ceste joye cy tourne en noise
Sy le lendemain il advient
Q'un autre compaignon survient
A qui l'en face belle venue
Et que de la fievre revient
Qui double en fievre continue
Damp prieur
Il n'y a remede soudain
Que faire bouter les destriers
Et mener tart sur le serain
Tabourins herpes menesteriés
Pour esveiller leur arglentier
Et les esperis de dormir