L'amant rendu cordelier a l'observance d'amour
Damp prieur
Leurs cas pas ne me sauveront
Chascun doit pencer de bien faire
S'ilz en crient ilz s'appaiseront
Damp prieur
Or voige bien que pour parolle
Ne pour rien qu'on vous sceust prescher
Ne vous osteriés de la cole
Ou vostre cueur se vuet ficher
De quoy je vous ayme plus chier
Beaucoup de vraye amour formant
Et tant que pour vous despecher
Je m'en voys parler au couvent
Damp prieur
Ainsi damp prieur s'en alla
Le tymbre et les freres sonner
Puis bien avant sy leur parla
Comment venoit de sermonner
Cest amant qui vouloit donner
Leans cueur corps et tout le sien
Pour ses derniers jours finer
En leur en disant mout de bien
Damp prieur
Si que par son tresgrant raport
Les freres estans en chapitre
En furent contrains et d'acord
Et le commencerent a benistre
Et a dire pour son bon tiltre
Des biens une grant legion