Auf da schwäb'sche Eisebahne

1. Auf da schwäb'sche Eisebahne

gibt's gar viele Haltschdatzione.

Schdurged, Ulm und Biberach,

Meckebeure, Durlesbach!

Rulla, rulla, rullala,

Rulla, rulla, rullala.

Schdurged, Ulm und Biberach,

Meckebeure, Durlesbach!

2. Auf da schwäb'sche Eisebahne

wollt amal a Bäu'rle fahre,

goad an Schalder, lupft de Hut:

»Zwoi Billjeddle, sens so gued!«

Rulla, rulla, rullala,

Rulla, rulla, rullala.

Geht an Schalter, lupft de Hut:

»Zwoi Billjeddle, sens so gued!«

3. Eine Geiß hat er sich kaufet

und dass die ihm ned entlaufet,

bindet sie de gude Ma

an de hindre Wage na.

Rulla, rulla, rullala,

Rulla, rulla, rullala.

Bindet sie de gude Ma

an de hindre Wage na.

4. »Böckle, tu nur woidle springe,

's Futter werd i dir scho bringe.«

Setzt si zu seim Weible na

und brennt's Duwakspfeifle a.

Rulla, rulla, rullala,

Rulla, rulla, rullala.

Setzt si zu seim Weible na

und brennt's Duwakspfeifle a.

5. Auf de nächste Schdatzione,

wo er will sei Böckle hole,

find't er nur no Kopf und Soil

an dem hindre Wagedoil.

Rulla, rulla, rullala,

Rulla, rulla, rullala.

find't er nur no Kopf und Soil

an dem hindre Wagedoil.

6. Do packd ean en große Zore,

nimmt de Kopf, mitsamt de Ohre,

schmeißd en, was er schmeiße ka,

dem Kondukdör an Schädel na:

Rulla, rulla, rullala,

Rulla, rulla, rullala.

Schmeißt en, was er schmeiße ka,

dem Kondukdör an Schädel na.

7. »So, du kannst de Schade zahle,

warum bischd so schnell gefahre!

Du alloi bisch schuld dara,

dass i d'Goiß verlaure ha!«

Rulla, rulla, rullala,

Rulla, rulla, rullala.

»Du alloi bischd schuld dara,

dass i d'Goiß verlaure ha!«

8. So, jetzt wär des Liedle gesunge,

's hätt' euch wohl in d' Ohre g'klunge.

Wer's no nit begreife ka,

fang' no mal vo vorne a!

Rulla, rulla, rullala,

Rulla, rulla, rullala.

Wer's no nit begreife ka,

fang' no mal vo vorne a!

Volkslied