Le chevalier des dames du dolent fortuné
Noble cueur
Et grans et singuliers honneurs
A une. qui vous plaist le mieulx
Noble cueur
Je n'ay pas le cueur si d'acier
Contre le cours de tous humains
Qu'amour ne puist en moy fichier
Son trait/ si bien qu'en autres mains
Mais l'ome est fol. me semble au mains
Qui par desir mect a malaise
Son cueur. et si ne tient les trains
Pour tout: sans chaloir ou il voise
Noblesse feminine
Qui par desir d'amer emprent
Ainsi que beaucop ont d'usance
Signe est. que folle amour l'eprent
Et qu'il ne tend qu'a sa plaisance