Les amours de Faustine
XVI Cognomen Faustinæ
XVI
COGNOMEN FAUSTINÆ
At tibi, si memini, nomen gentile Columba
Conveniens formæ est, ingenioque tuo.
Laudantur niveo mites candore Columbæ,
Et tibi sub niveo pectore candor inest.
Quid lusus, mea vita, tuos, quid murmura blanda,
Quid referam noti nequitias thalami ?
Tu tenero morsus figebas dente proterva,
Atque columbatim basia longa dabas.
Hei mihi quis raptor, credo Jove missus ab ipso,
Te nostro avulsit chara Columba sinu ?
Te malus accipiter captam tenet unguibus uncis,
Et tua crudelis viscera dilaniat.
I nunc, dic Veneri sacratas esse Columbas,
Si tam, me miserum, bella Columba perit.