XXIII Votum Ad Venerem

VOTUM AD VENEREM

Si per te alma Venus, rerumque hominumque creatrix,

Qua sine nil animis corporibusque placet,

Sidereis Faustinæ oculis, verbisque fruisci,

Et liceat noto reddere membra toro,

Non tibi candenti stabunt de marmore templa,

Hostia nec sanctos corruet ante focos.

Purpurei sedenim flores, violæque, rosæque,

Parque columbarum, Diva, tibi dabitur.

Suspensaque tibi solventur vota tabella,

Omnibus et seclis charta loquetur anus :

Amissam mihi te Faustinam restituisse,

Hoc est ipsum me restituisse mihi.

Langue