L'adolescence clémentine ; La suite de l'adolescence clémentine
Chapitre XVIII
Responce dudict Marot, au dict Clavier
Pour bien louer, et pour estre loué
De tous espritz tu [dis] estre alloué, [doys]
Fors que du mien, car tu me plus que loues :
Mais en louant plus haultz termes alloues,
Que la sainct Jehan ou Pasques, ou Noué.
Qui noue mieulx, responds, ou C, ou E ?
J'ay jusque icy en eau basse noué,
Mais dedans l'eaue Cabaline tu noues,
Pour bien louer.
C, c'est Clement contre chagrin cloué.
E, est Estienne, esveillé, enjoué :
C'est toy, qui maintz de loz tresample doues,
Mais endroit moy tu fais Cignes les Oues,
Quoy que de loz doives estre doué,
Pour bien louer.
XVIII 122