L'adolescence clémentine ; La suite de l'adolescence clémentine
Chapitre XX
Responce au précédent Rondeau par la dicte Jehanne Gaillarde De m'acquiter je me trouve surprise
D'ung foible esprit, car à toy n'ay sçavoir
Correspondant : tu le peulx bien sçavoir,
Veu qu'en cest art plus qu'aultre l'on te prise.
Si fusse autant eloquente, et apprise,
Comme tu dys, je feroys mon debvoir
De m'acquiter.
Si veulx prier la grâce en toy comprise,
Et les vertus, qui tant te font valoir,
De prendre en gré l'affectueux vouloir,
Dont ignorance a rompu l'entreprinse
De m'acquitter.
XX 124