L'adolescence clémentine ; La suite de l'adolescence clémentine
Chapitre XXXVIII
D'alliance de Pensée
Ung Mardy gras, que tristesse est chassée,
M'advint par heur d'amytié pourchassée
Une Pensée excellente, et loyalle :
Quand je dirois digne d'estre royalle,
Par moy seroit à bon droict exaulcée.
Car de rimer ma plume dispensée
Sans me louer veult louer la Pensée,
Qui me survint dansant en une Salle
Ung Mardy gras.
C'est celle qu'ay d'alliance pressée
Par ces attraictz : laquelle à voix baissée
M'a dit, je suis ta Pensée fealle,
Et toy la mienne, à mon gré cordialle :
Nostre alliance ainsi fut commencée
Ung Mardy gras.
XXXVIII 142