Traité touchant le commun usage de l'escriture françoise
ESTIENNE DOLET, AU PEUPLE FRANCOYS humble Salut, & accroissement d'honneur & puissance.
ESTIENNE DOLET, AU PEUPLE
FRANCOYS
humble Salut, & accroissement
d'honneur & puissance.
Depuis six ans (ô peuple Françoys) desrobbant quelcques heures de mon estude principalle (qui est en la lecture de la langue Latine, et Grecque) te voulant aussi illustrer par tous moyens j'ay composé en nostre langage ung Oeuvre intitulé l'Orateur Françoys: duquel Oeuvre les traictés sont telz.
L'Orateur Françoys.
La grammaire.
L'orthographe.
Les accents.
La punctuation.
La prononciation.
L'origine d'aulcunes dictions.
La maniere de bien traduire d'une langue en aultre. L'art oratoire.
L'art poëtique.
Mais pour ce, que le dict Oeuvre est de grande importance, & qu'il y eschet ung grand labeur, sçavoir, & extreme jugement, j'en differeray la publication (pour ne le precipiter) jusques à deux, ou troys ans. Ce pendant tu t'ayderas des instructions, qui sont en ce present Livre. Lequel si je cognois t'estre aggreable, je seray plus enclin à te bien polir, & parfaire le demeurant de mon entreprinse.