Oeuvres de Champlain
du Sieur de Champlain Capitaine
pour le Roy en la Marine.
Veux tu Voyageur hazardeux
Vers Canada tenter fortune?
Veux tu sur les flots escumeux
Recevoir l'ordre de Neptune?
Bien équipé fay chois soudain
D'un temps propice à ton dessain,
Et tu verras qu'en son empire
Le vent plus violent & fort
Pressant les flancs de ton navire
Te fera tost surgir au port.
Que si le Pilote est mal duict
Aux routes qu'il luy convient
suivre
Il pourra estre mieux conduict
S'il se gouverne par le Livre
Qu'en sa faveur a fait Champlain,
A qui les Grâces ont à plain
Prodigué tout leur heritage:
De qui Pithon a prins le soing
D'orner son élégant langage,
Afin qu'il t'aide à ton besoing.
Va donc Pilote sans frayeur
Ancrer en la Nouvelle France;
Ne crain de Thetis la fureur